Fredag 5. og laurdag 6. februar er nesten 70 arrangørar frå Sogn og Fjordane, Hordaland og Rogaland. samla til arrangørseminar i Førde. Aktuelle tema er bruk av sosiale medier i marknadsføring; korleis nå ut med den glade bodskap; sponsorarbeid og samarbeid.

Arild Nybø har akkurat avslutta sitt foredrag om sosiale medier. Snakka mykje om Facebook.. Som har 350 millionar ”innbyggjarar”, og dermed er den 4. største ”samfunnet” i verda. Og det veks framleis. Dialog, er måten å kommunisere med publikum på. Morgondagens brukarar av sosiale medier er ”digitale innfødde”. Heile foredraget hans kan lastast ned her

Med temaet fridom og undertrykking set den 21. Førdefestivalen fokus på musikarar som kjempar for menneskerettane sine, og kulturar sin kamp for å overleve. Sjølv i 2010 er det nemleg slik at mange musikarar opplever hindringar mot å utøve musikken sin, og nokre av dei får vi møte på Førdefestivalen i juli. Her kan du lese meir om temaet og sjå kva artistar som no er klare for festivalen.

Denne Origo-sona for Førdefestivalen vart oppretta like før årets rekordfestival. Ivrigaste bidragsytar hittil har vore Jan Roar S. med både flotte bilete, video og tekst.

Har DU bilete eller video frå festivalen, så kan du bli løna med årets jubileums-CD dersom du lastar dei opp her i løpet av den næraste veka. Ingen vits i å la dei bli liggande på minnebrikka. Del dei her til glede for fleire!

Nokon tek dette med morgongymnastikk særdeles langt ut.

Sjølv om temperaturen etter kvart steig over tretti grader i skuggen gjekk det heftig for seg på gatekonsertane.

Den britiske radiokanalen BBC3 sin programvert Fiona Talkington var på Førdekonferansen 2009 utfordra til å snakke om “Norwegian festivals – A United Kingdom perspective”.

Talkington har vore på mange norske festivalar, og nemnde spesielt Festspillene i Bergen, Moldejazz og Førdefestivalen. Det var musikken som fekk Talkington til Norge første gong, etter at ho hadde oppdaga musikken til Jan Garbarek og Terje Rypdal.

Direktør ved Festspillene i Bergen, Per Boye Hansen, opna sitt føredrag på Førdekonferansen 2009 med å seie at vi treng ein elitekunst. Men han åtvara på same tid mot ein elitistisk kultur, og sa at Festspillene til enkelte tider har vore elitistisk og med det har vore inne på eit blindspor.

Kunst på høgaste nivå

- Å jobbe med kunst er å jobbe med kvalitet, sa Boye Hansen, og sa at dermed er spørsmålet korleis kvalitet skal definerast.

Den andre og siste dagen på Førdekonferansen 2009 vart avslutta med glimtvis høg temperatur då representantar frå Framstegspartiet, Arbeidarpartiet og Høgre i eit debattpanel vart utfordra til å gje ein peikepinn på korleis kulturpolitikken vil bli etter valet, alt etter kven som får regjere. I salen sat ulike kulturaktørar, alt frå lokalpolitikarar, byråkratar, forskarar, utøvande kunstnarar, leiarar av kulturinstitusjonar og representantar frå næringslivet. Temaet var “Kulturpause eller nytt kulturløft? Kva kulturpolitikk får vi etter valet, september 2009?”

Mange emne vart lufta, t.d. kommunane sine utfordringar med å gjennomføre samhandlingsreforma i helsesektoren, og på same tid løfte kulturen. Også desentralsering av den norske filmindustrien vart diskutert, og den ferske rapporten som indikerer at dei store byane får mykje meir av kulturmidlane enn distrikta.

Førde har fått ein flott arena for utekonsertar på Tangen (gratulerer), og i denne rekordvarmen er det mogeleg å kjøle seg ned i Jølstra, som renn vakkert forbi… Ikveld kl. 22 spelar Farmers Market, Sver og DJ99 på Tangen. Det er plass til eit par tusen menneske, så ta turen til Førde folkens! De som tek bileter under arrangementet – legg dei inn her!

Omlag seks hundre tilskodarar var samla framfor torgscena då DJ99 og festivaldirketør Hilde Bjørkum erklærte Førdefestivalen 2009 for opna. Opningsfanfaren kom frå Tibet. For dei som ikkje hadde høve til å vere til stades spanderar vi nokre videoglimt.

I vår gav professor Per Mangset ved Høgskulen i Telemark ut boka Kulturelt entreprenørskap saman med Sigrid Røyseng. Researchen bak boka var bakgrunnen for føredraget “Kulturelt entreprenørskap – nye mulegheiter i nedgangstider?” som Mangset heldt på Førdekonferansen 2009. Mangset er også seniorforskar ved Telemarksforsking.

Føredraget innheldt mange fleire poeng enn det som er råd å oppsummere her, og dei som er interesserte bør tinge boka.

Erling Valvik i Cultiva, Kristiansand Kommunes Energiverksstiftelse, viste under Førdekonferansen 2009 korleis Cultiva med inspirasjon frå Bilbao, Glasgow, USF Verftet i Bergen osv. kunne bruke stiftinga til å sikre arbeidsplassar og gode levekår i Kristiansand. For føremålet til stiftinga lyder slik:

§3
Stiftelsens formål er å sikre arbeidsplasser og gode levekår i Kristiansand ved å gi støtte til prosjekter ved etablering av kunst-, kultur- og kunnskapsinstitusjoner eller organisasjoner som bidrar til nyskapning, utvikling og kompetansebygging ved kreative miljøer i Kristiansand.

Kunnskapsinstitusjoner som utvikler kreativitet og nyskapning kan tildeles midler fra stiftelsen.

Institusjoner eller organisasjoner som mottar støtte må drive virksomhet på kvalitativt høyt nivå til nytte for lokalsamfunnet.

Finn du ikkje det du leitar etter? Hugs at denne Origo-sona først og fremst er DI, dvs. du som deltek på Førdefestivalen på ein eller anna måte. Men ikkje gløym festivalen si hovedside for fortløpande informasjon på fordefestival.no. Der kjem mykje nyttig informasjon frå festivalleiinga, og der kan du m.a. lese opningstalen til festivalstyreleiar Kristin Valla. Det er også der pressemeldingane blir lagt ut.

Siren Sundland, banksjef i Sparebanken Vest, kom med eit hjartesukk under sitt føredrag på Førdekonferansen 2009. Banken er ein stor bidragsytar til kulturlivet på Vestlandet gjennom sponsorverksemd, og ho fortalde at banken har brukt mange år på å få vise fram det dei støttar, t.d. gjennom media, utan at media har fatta særleg interesse. I perioden 2002-2008 har banken gjeve 125 millionar kroner i sponsormidlar, og 430 millionar til almennyttig verksemd. Men då finanskrisa slo til ringte Bergens Tidende og spurte: “Kva kjem de no til å slutte med å støtte?”. Medieoppslaget deretter førte til at Sundland fekk telefonar frå folk som lurte på kvifor banken med dette ville øydeleggje for kulturlivet.

- Banken har fått telefon frå kulturaktørar etter at kommunar og stat har sagt nei, fortalde Sundland, som dermed på spøk lurte på om folk oppfatta banken til å stå over både Staten og kommunane i hierarkiet. Dei som ringjer vil då forklare overfor banken kor viktig prosjektet er, kor viktig det er at dei får midlar.

Fleire av føredragshaldarane på Førdekonferansen 2009 analyserte kulturen i lys av finanskrisa, og konklusjonen deira er at festivalane stort sett er godt rusta til å tole den.

Instituttleiar Svein Bjørkås ved Institutt for musikkvitenskap ved Universitetet i Oslo var blitt tildelt føredragstittelen: “Festivaliseringa av norsk kulturliv – ein risikosport?”.

Bilete frå festivalen finn du m.a. her:

fordefestival.origo.no

Professor og rektor ved Høgskolen i Volda, Jørgen Amdam, landa i det han omtala som cowboy-byen Førde, etter å ha halde føredrag i Tyskland, og skulle halde føredrag i Malaysia dagen etter. Og i føredraget på Førdekonferansen 2009 kom han med døme frå andre stader i verda, som var nyttige innspel for norske kulturaktørar. Tittelen var “Kultur som motor lokal og regional utvikling i framtida”.

Amdam viste til eit gigantisk kjøpesenter i Canada, ein «mall» der variantar av kultur var integrert i kjøpesenteret, t.d. fornøyelsesparkar, pianobarar, badeland m.m. Han sa at i dette tilfellet vert handel meir som ei oppleving der underhaldning er eit viktig element, sjølv om det er kopiar av kultur. Det gjev ein meirverdi. Med «kopiar av kultur» viste Amdam til dømes til Las Vegas der det er bygt enorme kopiar av kjende byggverk og kunstverk frå heile verda. Det vil seie: “Kultur er business”, og oppleving og underhaldning fører til meir handel. Er dette vår framtid, kan dette bli Førde, spurte Amdam.

Er det mogleg med regionalutvikling utan kultur? Har vi for mange festivalar i Norge? For mange dårlege festivalar? Korleis hevdar vi oss internasjonalt på festivalfronten? Står vi ved eit skilje i norsk kulturutvikling?

Dette er vesentlege spørsmål som Førdekonferansen 2009 prøver å finne svar på. Konferansen vert arrangert for andre gong, og årets konferanse vart opna torsdag 2. juli av fylkesordførar Nils R. Sandal. Han sa at målet med konferansen er å etablere ein arena for å setje viktige kulturpolitiske tema på dagsorden.

Det er no EIN ledig plass att på hallingkurset med Hallgrim Hansgård, medan ventelista er lang på Salsa grunnkurs. Songkurs med Eva Quartet har to plassar att…

var akkurat nede og kjøpte 2 meter med billettar, og no var det ikkje mange plassbillettar att til opningskonserten, men det er sitteplass til 2000 så det er enno ikkje fullt. Frikar, Galla og kyrkjekonsert sel også så det susar. Ikkje vent for lengje folkens!